(***)(***)( ريشو وطارو )(***)(***)
..............................................
هب الهوى مال الغصن شو صار
(***) عصافير المحبة ريشو وطارو
وريح الهوى والقلب شعلة نار
(***) ملهف لايسمع اخر اخبارو
قالو الورد من خدها بيغار
(***) والفجر عاجبينها بيبلش نهارو
فرخ النحل عاشفاف حام ودار
(***) يجمع عسل يعبي باوكارو
كبر الحلا معقول كم نهار
(***) زغاليل مرحلة الصبا صارو
وحدة عاقلبي تعزف على اوتار
(***) وخيتا نجوم الليل بيدارو
وحدة بياخدا هالقمر مشوار
(***) ورفيقتا الشاعر يكتب باشعارو
مال الغصن والا اجا نوار
(***) والزمن دقدق بالشيب مسمارو
لما وعينا قديش صرنا كبار
(***) عصافير المحبة ريشو وطارو
....................................................
الشاعر السوري المهجري ...اليان سمعان
ليست هناك تعليقات:
إرسال تعليق