##اجواء بلدى##
اجواء بلدى مصر
ليها الف معنى ومعنى
وإلا ساعه العصر
لما صحبه حلوه تجمعنا
وكمان فى الصبحيه اول النهار
ده وقت حلو قووووى
لما نقعد كده على الفطار
مع كبايه شاى وقراءه المنشاوى
ويا سلام على الجو فى الليل
لما نسهر مع نسمه هوا
إحساس اكتر من إنه جميل
وخصوصآ لو الاحباب سوا
ولا يوم لما تجمع عيلتنا
والبركه تبقا حوالينا فى المكان
ونحس بالدفا فى لمتنا
وصله الرحم تحسسنا بالامان
وفى المناسبات لما فرحتنا تسبقنا
ونجرى على بعض نسلم
ونتمنى اللحظه ما تفارقنا
ونقعد مع بعض نتكلم
حتى فى الامنا وجرحنا
تلاقينا جنب بعض واقفين
بنساند حتى فى جرحنا
وبنشارك لو حد حزين
اجواء بلدى مصر
وصفها فوق الخيال
عايش بسيط او فى قصر
برضوا هتلاقى كلام كتير بتقال
#بقلم:شيماء السيد#
ليست هناك تعليقات:
إرسال تعليق