اعدام الغلابه *** بقلم محمد البنهاوي
- إعدام الغلابه
- بقلم محمد البنهاوي
- _________________
- حكمت خلاص المحكمه
- أعدام على الناس الغلابه
- قطعوا حبال المشنقه
- والحبل كان جوع م الديابة
- ديب الجبل قطع الامل
- غمض كمان كل الجفون
- والغابه لما اتشكلت بقى علمت
- كل الديابة إزاى تخون
- كنا زمان فى المدرسة
- بيعلمونا واحنا كنا عيال صغار
- الديب بياكل فى الحمل
- والتعلب المكار دمار
- واما كبرت انا شوفت الديب بيمكر
- ولقيتة فى أصحابة وجيرانه واهله يغدر
- ولا همه أهل الغابه لو جاعوا وماتوا
- كل اللى همه يكون بطل لو حتى كات
- مرة فى حياتة
- ازاى بقى هيكون بطل ؟
- لف الشباك حوالين
- كل الديابة والفيران
- وعشان فصيلتة وزيهم
- يبنى لهم أقفاص من الورد وريحان
- عادى دة أصلة ديب جبان
- متلمش ع الديب لما خان
- او حتة باع يوم المكان
- ماهو أصلة ديب وكان جعان
- والشبع لوبعد جوعه
- صدقنى ينسيك الزمان
- أصلك جبان
- لو حتى هتشيل الأسد
- علشان ف يوم تصبح ملك
- برضه هتبقى بزمبلك
- وترقصك كل الديابه
- اللى عليهم سيطرة
- ضاحكين عليك ياديب غبي
- عاملينك انت قنطرة
- خلوك غدرت بأهل غابتك والصحاب
- وقفلت مابينك وبينهم ألف باب
- وعشان ماترضي انت الديب الكبير
- خليت خلاص الغابه مليانه ضباب
- فيها العذاب
- فيها كمان كل الهموم ويا اكتئاب
- أما اللى فيها من غلابه ومكبوتين
- صاحين فى هم وحزن وصراخهم أنين
- عايشين بياكلوا ف بعض علشان جوعانين
- عايشين على امل اللقا ويا الحنين
- طب إمتى راح يجي الحنين
- قاعدين يعدوا ف السنين
- حتة السنين هى كمان مخنوقه من صوت الأنين
- هو إنت ليه يا ديب كدة سيبت الجميع
- واخدت وياك الديابه فى شئ فظيع
- انا عارف انك سهل جدا لو تبيع
- بس اللى عاوزك تفهمه
- إننا عايشين ع الامل
- والحق راجع مهما كانت نيتك
- ويومها راح تبقى معانا أخرتك
- هتسيب كمان كل اللى أنت ف يوم بنيت
- بإديك هتخلص دنيتك
- صدقني فيها راح تضيع
- إعمل ماشئت وكيف شئت
- ولم وياك الديابه
- وإعمل كمان هنا محكمه
- والحكم خليه يابطل
- إعدام إلى الناس الغلابه
- #البنهاوي
ليست هناك تعليقات:
إرسال تعليق