🇪🇬🇪🇬🇪🇬 رفقاء الميدان 🇪🇬🇪🇬🇪🇬
السلام ليكو والتحية
يا رفاقا في الميدان
و بلادي هيه. هيه
حتى زادت في الهوان
ال طاخك لسه عايش
لسه قاعد ع الكراسي
وبلادك حالها هايش
هوه هوه مانتا راسي
ألف رحمة ليك يا بختك
وسط جنة و. وسط حور
احنا حالنا غم بعدك
وسط فسدة واهل زور
هما هما رجعوا تاني
لعبوا بس في الوشوش
برضو جاني الف جاني
ينهشوا. لحمي الوحوش
والميدان خلاص محاصر
والرجال سكنوا السجون
و الشاويش جهز محاضر
كل من عارض يخون
يعني فركش لا وربك
ربنا على الكل قادر
يقذف القوة في شعبك
ينتفض الشعب ثائر
كل ظالم له نهاية
كل وقت له أدان
تاني رافع الف رايه
تاني راجع الميدان
#دعبسيات_ابراهيم_دعبس_الساحر
ليست هناك تعليقات:
إرسال تعليق