الشاعر محمود شبيب **** لما التقينا
- لما التقينا الصبح صدفه على الدوار
- كانت بكل الاناقه وكامل الزينه
- وقفت بحيره وانا والله كنت محتار
- وبلش ذهولي ع بيت الصمت ياْويني
- لكن عينينا بدو يتهامسو اسرار
- ما فهمت منها سوى دخلك تهنيني
- وقلوبنا رفرفو وطارو كما الاطيار
- حسيت انه السعد والحظ جاييني
- قالت حبيبي القلب مشي معي مشوار
- صوب الجناين نشم عطور ياسمبني
- ونقطف ي عمري سوا انت وانا ازهار
- واهديك ورده وانت اشعار تهديني
- قتنا جنينة ورد ما في بها زوار
- غيري وهيي وبدا الشيطان يغويني
- والشوق جمره التهب بيي وشعل نار
- والدم بلش يفور في شراييني
- بلشت انظم غزل لعيونها اشعار
- قالت حبيبي انا بردان دفيني
- ضميتها ع الصدر ضمة فؤادي الحار
- وبغنجها والدلع بلشت تغريني
- وعملت من لهفتي ع شفافها مشوار
- وحسيت قطر الشهد فيها بناديني
- ويقول يا مرحبا يا سيد الشعار
- ذايب بجبك انا ويا ريت تجنيني
- هذا اللي صار وجرى يا سادتي الحضار
- ولقيت بحضينها اجمل عناويني
- وعتمة ليالي الهوى شعو بها الاقمار
- وشمع الامل والصبا ضوو على سنيني
- ==== محمود شبيب ====
ليست هناك تعليقات:
إرسال تعليق