عشان عيون مصر
اجمل صبية بين الصبايا السمر
يهون الدم يهون العمر
عشان ترجع تضحك من تانى
تهون كل لياليا تهون كل ايامى
بس اشوفها منصانة
بس اشوفها فرحانة
زى زمان
مصر النيل و الضفة
مصر الخير و الفرحة
مصر الحلوة الخفة
مصر الهرم و السد
مصر كنيسة و عهد
مصر الناس الجد
مصر الشمس الحامية
مصر المدنة العالية
مصر القيمة الغالية
مصر العبور و النصر
مصر سلام العصر
مصر الأمصار مصر
مصر اللى ياما صدرت
و لسة بتصدر
حضارة لكل الدنيا
و ياما استوردت
و لسة بتستورد
خيبة من كل الدنيا
ربنا ذكرك فى كل كتبه
و كلنا واثقين انك فى يده
و ربنا دايما بيوفى بوعده
و هترجعى عالية
و هترجعى غالية
و هترجعى زى زمان
شعلة نور فى ضلام الدنيا
الشاعر العجوز
مرقص اقلاديوس
ليست هناك تعليقات:
إرسال تعليق