.................. إحكي عن حواريكي ............
............................................................
ما تقولي اللي جــــواكي وإخلصي
ليه مش عايزة تتكلمي
بقالك سنين مش قادرة تتنفسي
ولا قادرة مرة تتألمي
عمرالخوف ما ح يقويكي
ولا ح ياخد بإيديكي
وح تتراجعي وتندمي
إحكي وقولي عن حواريكي
والأنين بيشتيكيكي
وإنتي ما بتتقـــدمي
العما سرح علي عينيكي
صدقيني حـــرام عليكي
وعمرك ما ح تتبسمي
الخير بييهرب من إيديكي
وإنتي لا بتشاوري ولا بتسلمي
خلاص بقيتي جليد
الحجر حس بيكي وبيناديكي
لكن دمك بقي بليد
السوس بينخر في أراضيكي
وخوفك بقي عنيد
عايشه في كوابيسك وعمرك
ما ح تحلمي
جمال وشك بقي تجاعيد
دبلتي وح تترمي
ابوكي غضبان عليكي
ومش ح يرضي عنك إلا لما تتكلمي
.................................................................
......... إحساس / الشاعر حسن الشوان ...............
ليست هناك تعليقات:
إرسال تعليق