#إهداء_إلى_أمى_وكل_أم❤❤
من نبضك بدأت اكون
وكونتى ليا
مصدر تكوين
جسمى اتكون
من دمك
من وانا ف رحمك
وانا ألمك
وبدأ كفاحك من وانا جنين
ويوم ولادتى
والحاله طارءه
والصوت يهدى
ويعلى مع الطلقه
وتتألمى من كتر الوجع
وتستحملى
اللى ميستحملوش جدع
وتوهبينى
وتمنحينى من صحتك
وتترسم بسمتك
اول ما تفتح عينى
وطول الليل ينحنى ضهرك
واقل راحتك
بطول سهرك
وتتعبى
وتغلبى
وتطبطبى وتنقليلى أمان
وحنان
حتى ف عز قهرك
لما لسانك ينطق معلشى
وتناديلى وتخدينى جنبك
وتدعيلى
دعوه من قلبك
فكل همومى تمشى
وتتفتح كده ف وشى
ومليون برهان يثبت حبك
وتخبى عليا غولبك
ما انتى اللى دايمآ بتضحى
وتبيعى فرحتك
وتشترى فرحى
وتخبى دمعتك
وبحنيتك لهمومى تمحى
بتتمنيلى كل النجاح
ومهما تزعلى
بتصفى بسماح
وبتتحملى
وف طبعك كفاح
ياللى صعب بغيرك تتقارنى
لو كل الدنيا هتخسرنى
هيجبرنى ربنا وياكى
عشان الجنه ف رضاكى
ومعاكى الفرح بيزورنى
وسط الزحمه
عيونك تلمحنى
تبصلى الرحمه
من عيونك تفرحنى
وتوضحلى
وتسمحلى
وان تهت هي تشرحلى
لكن عمرها ما تجرحنى
ومهما منى بتغضبى
وتزعلى وتتقلى
بيغلبك الحنان
وبرضوا بتيجى تقربى
قلبك عمره ما كان غبى
حتى لو كنت انا الغلطان
بدعى إنى انول برك
ياللى الخير ليا بيسرك
مرك تستحمليه
واللى يضرك تتجهليه
وتضيعى عليا عمرك
وجودك يخلى لحياتى طعم
ومجرد نظرتك ليا دعم
لما الدنيا تعرينى
تخدينى ف حضنك تغطينى
وتشفينى
بطبطبه ايدك تداوينى
وبدعوتك الخير بيعم
مهما احكى
مش هقدر افسر
لازم ابكى
لانى مقصر
مفيش كلام يوفيكى
بيكى بكسب دنيتى
واخرتى
وطوق نجايا متعلق فيكى
ياللى دمك مخلوط بدمى
وعليا دايمآ بتسمى
وبتتقاسمى معايا ف همى
ربنا يحميكى ويرضا عليكى
يا أعظم نعمه يا أمى
#شيماء_الدالى
ليست هناك تعليقات:
إرسال تعليق