ارحلت عن ماضي زمانك ودنياك
واخترت اقضي العمر دونك لحالي
واغفى على رمش الزمن ساع طرياك
واستأنس الذكرى ليا جت ببالي
ابعيش لجل الموت ابسط رجاياك
واجرع فناجيل القهر من دلالي
يومن تكشف لحظ باين خفاياك
اظلم بوجهي الكون واظلم مجالي
ما اقول ما احبك ولا اعشق سجاياك
مليون حبك موت هذا مقالي
لكن لفاني الويل سبة سواياك
والفجر عندي صار شبه الليالي
ماعاد يفرق شي هذي عطاياك
خذت الهنى واعطيت زيف السؤالي
رح يالغضي ماعدت انا من رعاياك
وتبت يدن ما سارعت بانتشالي
الذيب السهماني
ليست هناك تعليقات:
إرسال تعليق