((زربة))****شعيب صالح المدكوري

زَرْبَة
....

لْوَقَتْ تْغَيرَّتْ ؤُتْبَدْلَاَتْ
زْرَبْ أَخُويَا تْعَطَّلْ
صْبَر رَاكْ تَوْصَلْ
زْمَانْ جَابْ لْحُگْرَة
بْلَادْ لْعَارْ ؤُلْحْشُومَة
شْكُونْ مَنَّا فْلَتْ
صْغِيرْ ؤُكْبِيرْ تْزْمَتْ
لْوَقَتْ تْغَيرَّتْ ؤُتْبَدْلَتْ
لْخَدْمَة صْعَابَت ْؤُتْشَعْبَتْ
حْقُوقْ لِنْسَانْ تْبَغَتْرَتْ
...
لْوَقَتْ تْغَيرَّتْ ؤُتْبَدْلَاَتْ
دْيُورْ لَمْسَاكَنْ تْهَدْمَتْ
وْلِدَاتْهُمْ تْشَرْدَتْ
بْنِيَاتْ صْغَارْ تْغَصْبَتْ
عْيُونْ عْلِيهَمْ بْكَاتْ
دْمُوعْ غَاضْبَة جْرَاتْ
گْلُوبْ جْرِيحَة تْوَجْعَتْ
عْقُولْ شْبِيبَة تْخَدْرَتْ
تْصَابَتْ طْلَامَسْ مْنَوْعَاتْ
جْهَلْ سْكَنْهُمْ بِدَّاتْ
تْسَيْفُو عَلْ نَاسْ هَجْمَاتْ
...
وَرَاهْ
لْوَقَتْ تْغَيرَّتْ ؤُتْبَدْلَاَتْ
حْبَابِي تْسَيْفَاتْ
نْكِيرْ ؤُتْنَافِيقْ مْفَرْقَاتْ
خْصَايَلْ قْبِيحَة تْجَمْعَاتْ
خْيَابَتْ ؤُ ظَلْمَاتْ
طْرِيگْنَا كُلْهَا تْحَفْراتْ
عگابي مع حدرات
تزلگ تلوح
...
شعيب صالح المدكوري
تامسنا 12.04.2018