- مبارح عضيعتنا غديت
- يلي بحواريها تربيت
- ذكرى الطفولة رديت
- بمعنى الحياة حسّيت
- بكنائسها قدست وبجوامعها صليت
- حجارتها حجر حجر عديت
- تاوصلت عباب هاك البيت
- بردهتُ دمعت ولأيامو حنّيت
- أرجع من سكانو والله تمنيت
- تذكرت اه شو تذكرت تذكرت
- أمي وبيي تذكرت اختي وخيي
- تذكرت هاك الصبية
- اول انسانة دخلت قلبي وعشقتها عينيِّ
- تذكرت
- تذكرت ولاد الجيران
- والنطنطة بالبستان
- والخبز المقلوب عند الفران
- مع معلقة لبن عند السمان
- تذكرت
- كل صبح كاست الحليب
- والحيط لي جمع القران والصليب
- والحلاق لي كان طبيب
- والديك لي صوتو رهيب
- تذكرت
- أني لو ما عشت فيها
- بالنهاية لح انزل بتراب اراضيها
- هشام بركة
شاعر
الثلاثاء، 21 نوفمبر 2017
بارح عضيعتنا غديت****شعر هشام بركة
الاشتراك في:
تعليقات الرسالة (Atom)
ليست هناك تعليقات:
إرسال تعليق