الله يسامحك حبيبى الله يسامحك
بعد حبى لك كان نصيبى جرحك
قولى امتى شوفت منك حنيه
دالايام حنت على الكل الا عليه
ليه دايما نصيبى منك الأسيه
اداوى حرج ألقى التانى
ولا مره تقول تقول وحشانى
هى الاسيه طبع فيك
ولا حنانى عليك قساك حتى عليه
تعبتنى ياما وقلت خلاص أخر مره
الاقى الجرح التانى اقوى مره
دايما فى غرامك قاسى وظالمنى
وبالهجر والجراح دايما فاكرنى
ظالم وأنانى قولى أشكيك لمين
فوضت أمرى لخالق البشر اجمعين
هو وحده سامع شكوى المظلومين
يمكن جراحك تقوينى على مُر السنين
بس افتكر ياويلك من دعوة المظلوم
الى جرحته وظلمته وبات حزين
هاتعيش تقاسى ولا تلاقى حد يواسى
أصل الزمن دوار هاتشرب يوم من كاسى
ساعتها بس هافكرك بجرحك لو كنت ناسى
الله يسامحك مقدرس اقول غير كدا
تشرب من كاس المر زى ماشربت أنا
هاسيبك للزمن يمكن يعلمك الى
ماقدرت تتعلمه من عذابى أنا
ليست هناك تعليقات:
إرسال تعليق