كان ناقصك ايه*** بقلم اسماء حسن

كان ناقصك ايه.. تعمل كده وقلبك يبيع..

تخسرنى ليه ..وانا خليت عمرك ربيع..

كان ذنبى معاك انى حبيبتك..لا نسيتك يوم ولاغلبتك..

مهما بتعمل عمرى ماسيبتك..بتعب واخبى ولاتعبتك..

وفضلت لاخر لحظه اصون..حتى اما عرفت انك بتخون..

صبرت ف نفسى وقلت يكون..كان غصب عنه ومش بتهون..

كان ذنبى معاك انا حبيتك..سيبت العالم يوم ماهويتك..

اؤمال لو كنت بقى نسيتك..كان تعمل ايه..

نفسى اعرف كان ناقصك ايه..حب مشفتوش ف حياتك..

وسماح يغفر نزواتك..وحنان يسعد اوقاتك..

وحبيبه زى طبيب..نفسى اعرف كان ناقصك ايه..

ذنبى بحبك مش عيب..ومكنتش بقرا الغيب..

واعرف انك ح تغيب..ويكون لك غيرى حبيب..

عمرى اتعديت على حقك..ولا يوم قصرت ف حبك..

ولا عنك..استغنيت..كان ذنبى ان انا حبيت..

والحب دا ذنبى معاك..انا كنت بموت ف هواك..

وانت بتتسلى هناك..دلوقتى عايزانى انساك..

وتلوم احساس ف الروح..كان ضلك فين ماتروح..

كان ناقصك ايه
بقلمى \ اسماء حسن