انا الموجوع ....شيرين احمد سعد

قصيدة/ ( أنا الموجوع)
بقلم/ شرين سعد أحمد
( شاعرة جنوب الوادي)
،،،،،،،،،،،،
أنا الموجوع وما في رجوع لافراحي
أنا الشاكي أنا الباكي من جراحي
أنا محتار اكمل حزن ولا افرح
أنا إللي م السهر ميت ومش صاحي
،،،،،،،،،،،،،،
أنا الأيام أنا الأحزان بتلهيني
وبعد ما تتبتدي بيا بتنهيني
أقول الرحمة الاقي الناس بتدهسني
أقول يا هوووه ألاقي الغلب كاويني
،،،،،،،،،،،،،،،،،،
أروح على كهف آلامي وادارا
واداوي جروحي الاقي الجرح يتعالى
يقول إزاي تداويني وتتجرأ
مراري مرار أنا ع الدنيا دي عوالة
،،،،،،،،،،،،،
ولما اروح على بكره أشوفه سراب
أحاول ارسمه فكرة يرد الباب
أنا المصدوم أنا المهزوم أنا الجاني
أنا إللي من قديم الدهر قليل الأحباب
،،،،،،،،،،،،،
يا رايح ع السنين ديه ما تنساشي
تاخدني معاك أنا هدية ما يجراشي
أنا عارف مليش عازة معاك لكن
بحاول أعلي من قيمتي و مانفعاشي
،،،،،،،،،،،،،،
أنا السكين أنا المسكين أنا المدبوح
أنا الغلبان وشايل الطين حلاوة روح
أنا إللي قطعوا فيا وما قلتش آه
وشايل ذنبي من يومي وفين أنا أروح
،،،،،،،،،،،،،،،،
أنا المحتاج ألاقي البسمة ع شفافي
أنا المكلوم وقادر أشيل على اكتافي
أنا القلقان واحاول اكون أنا عايش
واملي أشوف زماني في يوم متعافي