قصيدة /( خلي بالك )
بقلم /(شرين سعد أحمد )
شاعرة جنوب الوادي
**************
خلي بالك من طريقك
واوعي بالغرام توقع
واحبس الحب ف وريدك
لا تحاول هنا ترجع
ماتقدر على عيونها
أنت بس شوف واسمع
نصحي ليك دا فيه فايدة
مايخلي عنيك تدمع
،،،،،،،،،،،،،،،،،،،،
أصلها في الحسن غادة
والجمال فيها دليل
والعيون بالكحل عادة
تنتهجها وين تميل
يلي عينك ليها رايحة
احذر الرمش الكحيل
رمش واعر مين يشوفه
يبقي مجنون أو قتيل
،،،،،،،،،،،،،،،
ياما غيرك كان رايدها
ولا نظرة منها حتى طال
داخ وراها وين يشوفها
حاله يبقى ف لحظة حال
يرتجف م الفرحة يغرق
ويا احلام الخيال
واما يصحى يلاقي نفسه
اللي شافه كان ضلال
،،،،،،،،،،،،،،،،،،،،
هى مافي حد غيرها
يملك القلب وحشاه
طبعها سكر زيادة
هادية لكن شرسة اه
اما تغضب يبقى ويلك
قلبها بيبان جفاه
يبقي تبعد عنها اسلم
قبل ما يطولك عداه
،،،،،،،،،،،،،،،،،،،،،،،
كتت ناوي قبلك أنت
أزرع الشوق في عنيها
بس ياخسارة ماشفته
شفت نار و هتلاقيها
لو عنيك في عنيها جات
تلسعك بالرمش فيها
يا ندامة ع إللي راح
فداها من غير ما يصافيها
شرين سعد أحمد
شاعرة جنوب الوادي
ليست هناك تعليقات:
إرسال تعليق