حب و غدر ...المهدي العمري

حب و غدر:
شعلات نار  لْهْجر
و قيدات عقلي بْقْهر
و غطات قلبي بْضْجر
و بدلات لْوْفا بالغْدر
سْمَاها بالغل تمطر
فأرضها موت و قبر
و كنت على حبها راضي
و على قلبها راني نادي
نحبها كي نحب بلادي
خلات زواجنا يعاني
و قتلات فيه المعاني
و الحب لي بينا
بسكين الحقد تّْنحر
فأعماقها بْنات قبور
لحب و حنان و وفا
قلبها يخفق مسعور
فأحضانها صقيع و برد
ما كاين معاها دفا
كفنات يا ناس النية
و شعلات نار الكية
فلسانها سم الحية
ما كانت بيا تشعر
تهيج مواج قوية
فبحور حقد عالية
حروف كلامي منسية
فآذانها حروفي بالية
تذبحني شوية بشوية
تقاضى مْعَاهَا الصّْبْر
سطرت سطور غالية
فكتاب حبي الغالي
مزقات سطر بسطر
فقلبي حنان الكون
زرعتو ليها ورود
صرت مسالي مجنون
فدروب الضياع مفقود
لازم للحياة نعود
ننسى قلبها لي فْجْرْ.
..............................من توقيع/المهدي العمري.