يهل القمر ويغيب****بقلم علاء رجب

يهل القمر ويغيب 
وصورتك ماغابت يوم
القمر بيكمل ليله
لكن انت ؟؟؟
لكن انت كل يوم 
كل الشعراء إحتارو
في وصف أحبابهم
إختاروا إسم القمر
في كل أشعارهم
ﻻكن انت غير القمر
ووصفي لك غيرهم
إذاي أقولك قمر
والقمر بيخجل منك
أنا جبت القمر مع صورتك
وعملت مقارنه معاه
شاف القمر صورتك
من نظرة عيونك تاه
رحل القمر من خجله
وقال الكمال لله
وترك لي أجمل صوره
للي بدوب في هواه
رحل القمر من خجله
وخجلي أخده معاه
قاللي الخجل ممنوع
مع قلب تتمناه
وإن كنت ناوي تحب
يبقى الخجل تنساه
طلع النهار في عنيها
والشمس في خدودها
وقلبي اللي كان خالي
اليوم إنشغل بوجودها
لساني اللي كان خجﻻن
وقلبي بخجله إتألم
من يوم ما داب في هواك
قرر خﻻص يتكلم
قررت أتكلم
أتكلم واقول يا حبيبي
وانطقها بأعلى صوت
يشهد عليا العالم
إني بحبك موت
شاعر الثوره
عﻻء رجب