لمضمة و لمقس ...شعيب صالح المدكوري

لَمْضَمَّة ؤُ لَمْقَسْ
...
كْلُيْمَاتْ خْفُيْفَاتْ
دّازُو بِ لْبَالْ
كُلْهُمْ مْعِيْنَاتْ
لِ دُوكْ الْعُقَّالْ
وْصِيَّاتْ مَنْسِيَّاتْ
عْلَ لْگَلْب ْتْقَالْ
ضَرْبَاتْ قْوِيَّاتْ
تْهَدْ جْبَالْ
عَندْ لْعَاقَلْ مَرْغُوبَاتْ
دُوكْ حْرَارْ رْجَالْ
...
شْحَالْ گَدْنَا شْحَالْ
نَغْزُو فْدُوكْ شْمَايَتْ
شْحَالْ گَلْنَا مَنْ مْتَالْ
جْوَابْهُمْ... كُلْ شِي فَايَتْ
مّ انْفَعْ فِيهَمْ قْوَالْ
نَاعَسْ مَجْوَاعْ بَايَتْ
عليهم لا تكن عوال
قَابَلْ بِ لِي شَاطَتْ
شْحَالْ خَصْنَا شْحَالْ
نْفَيْقُو لْحَيْ هُوَ مَيِّتْ
...
وَهَدِي هِيَ لْحَصْلَة
مَ گَدِّنَا نْفَلْتُو مَنْهَا
مَ سْوِينَا حْتَا بَصْلَة
مَطْمُورَة طَحْنَا فِيهَا
شْمَتَة وَاشْ مَنْ شْمَتَة
ضَاحْكِينْ رَاضِينْ بِهَا
مْسَبْبَة لِينَا گَرْحَة
هَدِي فْضِيحَة بْعَيْنِهَا
حَزْمَتْنَا ؤشطحتنا بِمْضَمَّة
ؤُ لَمْقَسْ عْلَامَة مْعَانِيهَا
...
شعيب صالح المدكوري
تامسنا 12.03.2018