بالعامية المغربية
★★قْوَالْ ؤ مْثَالْ★★
هَشّ ؤ نَشّ...
جَارْ ؤ غَشّ
بْنَى بْالقَشّ...
ؤ عَـمَّر جْيَابُو بِالْوَشّ
ؤ حَتَّى شِي مَا يَكْفِيهْ
آشْ بِيدِي نْدِيرْ لِيهْ
مَنْ غِيرْ وْرِيهْ وْرِيهْ
وْ يْلاَ عْمَى سِيرْ ؤ خَلِّيهْ
مَا سْقَىٰ مَا رَشّ ..
ما زرع ما حشّ
جمع و كشّ ...
شَتَّت شَمْلُو ؤ هَدَّم الٔعُشّ
ؤ هَدّْ الْبِيتْ بْ لِّي فِيهْ
ؤ الرِّيحْ لِّي جَا يْدِّيهْ
نَصْحُو وْ دَلُّو ؤ هْدِيهْ
وَيْلاَ عَانَدْ خْطِيهْ ؤ بَعَّدْ عْلِيهْ
سْلاَحْ بْلَا رشّ...
مَا نْفَخْ مَا فَشّ
صْمَكْ وْ طْرَشْ ...
طْمَعْ فْ زَهْرَة هرَّسْ الْعَرْشْ
وْ لِّي رَادْ الله يَعْطِيهْ
الرِّيح تَحْطَبْ وْ تْجِيبْ لِيهْ
وْ لِّي رَاد اللهْ يَگْلَعْ لِيهْ
هُوَ يَحْطَبْ وْ الرِّيحْ تْدِّيهْ لِيهْ
يزيد علوي اسماعيلي
ليست هناك تعليقات:
إرسال تعليق