دق المعنى
نصيحة مني ياحضار
بالاخلاق والرزانة معروف ف داك الدوار
من الدنيا تعلمت شلا اسرار
ف القبيلة كبرت مع ناس الحكمة شيوخ كبار
القلب حليب صافي مافيه غيار
نحب الناس نحترم الجار
نوصيك يا صاح كن صبار
بنادم اليوم خطر
ما تعاشر اشرار الناس ولا بنادم الثرثار
ياك العلم نور الجهل عار
تربيت ع الصدق لحيا ولوقار
شيخ لكلام الهدرة ب العبار
الله يرحمك يا شيخي الحسن بلعطار
خلا شلا معاني شلا اسرار
صاحب الصلا والاذكار
رد بالك من السياسي والسمسار
الشعوب تقدمت حنا فاتنا القطار
الاغلبية والمعارضة شاعلة نار
لا اقتصاد لا حقوق الموطنة لا سبيطار
راس مالنا هدرة وشعار
المندبة كبيرة الميت فار
هل النفاق كثار
مرة ف الجامع مرة ف البار
يعطيك من لكذوب قنطار
حشومة عيب وعار
فات الفوت ضربتنا دخلت الغار
غواهم الطمع حب الدولار
بكاني حال سوريا دمرها بشار
بانت الحقيقة تكشف الستار
تحالفوا ايران الشيعة روسيا الكفار
فين السعودية دول الجوار
حنا لعرب ف الحرب قهرنا الماغول والتثار
حنا احفاد علي خالد بن الوليد حمزة وعمر
عمر وما اراك ما عمر
من الفرسان الكبار
ف العدل سول القاضي شريح يعطيك لخبار
خليفة المسلمين مهاجرين وانصار
الله يرزقنا ويرزقكم الامن والاستقرار.................................................
زجال الغرب
حسن البرارحي
سيدي يحي الغرب
ليست هناك تعليقات:
إرسال تعليق