الحياة لحظة
.......
يا ليالي أرحميني
دوبيني جوه عشقه وأسجنيني
هو فاكر أن ممكن أنسى
ولا فاكر أن حبه مكنش بصمة
حضنه هو حضني كله لهفة
شفته أيوة شفته بس لحظة
لما غمضت عيوني فى همسة
لما كسر ليل صمودي بنسمة
نسمة جاتلي تقولي دي أحلى غنوة
غنوة يرسلها لك حبيبك فيها رجفة
رجفة قلب لما يخفق القلب خافقة
فجاءة صحى قلبي من الغفوة
ولقتني يا ليل فى حضنك لسه نايمة
وحلمي فيك كان أحلى كدبة
نفسي أضحك طب حتى بسمة
طب ممكن أبكي بس ترسم لي ضحكة
أضحك بيها للناس
وأقول أنا لسه عايشة
وجوة أوصالي حزن وجرح وحرقة
قلت الزمن أكبر مداوي لكل قرحة
ورب الكون عنده البديل وكل فرحة
قومي وأرمي السهاد لحد بكرة
وبكرة تجيلك بدل الضحكة فرحة
كتبوا عني وقالوا ليه كلامك كله لوعة
ومليان اها~ت وفى قلبه دمعة
قلت أصلي أنا للجرح عاشقة
بس خلاص يا دنيا فى الحب أنا حأبقى راشقة
ولوهم الحياة فى الحب حأكون دارسة
بس أوعى يا أبن أدم تنسى أن
الحياة ...لحظة
وأنا ..........لسه عايشة
منى براديس
ليست هناك تعليقات:
إرسال تعليق