ماتلومش غير نفسك
ياللي رميت نفسك
في حضن ناس خاينين
باعوا كتير قبلك
منتاش أول ضحيه
ومهما تكون شاري
لو حتي الثمن عمرك
هما ناس بايعين
ضحيت انت عشانهم
ووهبتهم قلبك
وهما بيك اتسلوا
ولا همهم حبك
إصحي وفوق من وهمك
وركز في اللي حصللك
وإنسي الماضي خلاص
وإبدأ من جديد عمرك
و إوعي تبكي في يوم
ولا دمعه تنزل منك
علي ناس بلا إحساس
وللجميل ناكرين...
(((.. مصطفي دسوقي..)))
ليست هناك تعليقات:
إرسال تعليق