يا زاوية الخير
زاويةالمكفوف يتقفى ادفوف
لبصيرة معمية غاوي الملفوف
ناسو هيج بحروفو عريف
يا زمان لشراف فين العفاف
يا جماعت الخير بركانا ضرب عل البندير
خرجو للساحة عممو الخير
عينو المسكين صبرو لفقير
الصوف الا نغدناه إصير حرير
ناسنا مفتونة وازمان ضرير
ناس اغطاها حرير ناس احماها قزدير
ناس بطنها الخير ناس مغلا عوفها شعير
كيف بنادم ما يحير
عالم بسلامو تزوير
بركاناتحقير بإسم التطهير
ناس محضنة الكنز تربي في دود القز
ناس محضنة الفز في عنوقها الحرز
ناس عشها خزامة
ناس عشها حمامة
ناس تتحاما ناس تتلاما
ناس زاوية تتعالا ببهاها
ناس فلهاوية هايمة فهواها
ناس ف الهيج نار بحاح الغاها
يا عالم يا عالم
كيف يتكتل كلها يلغي بلغاه
الواد بدل مجراه
لجبال صمت بصداها
لغيوم غيثها مسمومة
ضباب صباحها محمومة
عالم الانس فيه ناس أو ناس
فيه ناس تتقاس بالمقياس
فيه ناس بلا راس
فيه ناس بلقدام تنداس
بقلم العربي الناصري***
ليست هناك تعليقات:
إرسال تعليق